Kamakailan ay inaprubahan ng Konseho ng Estado, ng Gabinete ng Tsina, ang Agosto 19 bilang itinalagang Araw ng mga Doktor ng Tsina. Ang Pambansang Komisyon sa Kalusugan at Pagpaplano ng Pamilya at mga kaugnay na departamento ang mamamahala dito, kung saan ang unang Araw ng mga Doktor ng Tsina ang ipagdiriwang sa susunod na taon.

Ang Chinese Doctors' Day ay ang pang-apat na legal na propesyonal na holiday sa Tsina, kasunod ng pambansang Nurses' Day, Teachers' Day at Journalists' Day, na siyang nagmamarka ng kahalagahan ng mga doktor sa pangangalaga sa kalusugan ng mga tao.

Ang Araw ng mga Doktor ng Tsina ay ipagdiriwang sa Agosto 19 dahil ang unang Pambansang Kumperensya sa Kalinisan at Kalusugan sa bagong siglo ay ginanap sa Beijing noong Agosto 19, 2016. Ang kumperensya ay isang mahalagang pangyayari para sa layuning pangkalusugan sa Tsina.

Sa kumperensya, nilinaw ni Pangulong Xi Jinping ang mahalagang posisyon ng gawaing pangkalinisan at pangkalusugan sa buong larawan ng Partido at ng bansa, gayundin ang paglalahad ng mga alituntunin para sa gawaing pangkalinisan at pangkalusugan ng bansa sa bagong panahon.

Ang pagtatatag ng Araw ng mga Doktor ay nakakatulong sa pagpapahusay ng katayuan ng mga doktor sa paningin ng publiko, at makakatulong sa pagpapalaganap ng maayos na ugnayan sa pagitan ng mga doktor at mga pasyente.