Baraza la Serikali, Baraza la Mawaziri la China, hivi majuzi liliidhinisha Agosti 19 kuteuliwa kuwa Siku ya Madaktari wa China. Tume ya Kitaifa ya Afya na Uzazi wa Mpango na idara zinazohusiana zitasimamia hili, na Siku ya Madaktari wa China ya kwanza kuadhimishwa mwaka ujao.

Siku ya Madaktari wa China ni likizo ya nne ya kikazi nchini China, baada ya Siku ya kitaifa ya Wauguzi, Siku ya Walimu na Siku ya Waandishi wa Habari, ambayo inaashiria umuhimu wa madaktari katika kulinda afya za watu.

Siku ya Madaktari wa China itaadhimishwa Agosti 19 kwa sababu Kongamano la kwanza la Kitaifa la Usafi na Afya katika karne mpya lilifanyika Beijing Agosti 19, 2016. Mkutano huo ulikuwa muhimu kwa sababu ya afya nchini China.

Katika mkutano huo Rais Xi Jinping alifafanua nafasi muhimu ya usafi na kazi ya afya katika taswira nzima ya Chama na mambo ya nchi, pamoja na kuwasilisha miongozo ya kazi ya usafi na afya ya nchi katika zama mpya.

Kuanzishwa kwa Siku ya Madaktari ni mwafaka wa kuongeza hadhi ya madaktari mbele ya macho ya umma, na kutasaidia kukuza uhusiano mzuri kati ya madaktari na wagonjwa.